Ռուս խաղաղապահները հերթապահություն են իրականացրել Լեռնային Ղարաբաղում իրենց պատասխանատվության տակ գտնվող սահմանազատման գծի երկայնքով: Այս մասին ասվում է ՌԴ ՊՆ տեղեկագրում:
Ինչպես հաղորդվում է, հերթապահ խմբերը երկարատև երթ են իրականացրել ժամանակակից БТР-82А զրահափոխադրիչներով և «Ուրալ» մակնիշի մեքենաներով՝ անցնելով նաև գրունտային ճանապարհներով:
«Ամեն օր ռուս խաղաղապահները հերթապահություն են իրականացնում Լեռնային Ղարաբաղի Մարտակերտի, Մարտունիի, Ասկերանի, Շուշիի շրջաններում, ինչպես նաև Լաչինի միջանցքի երկայնքով: Հերթապահության ընթացքում հրադադարի ռեժիմի պահպանման վերահսկողություն է իրականացվում»,- ասել է խաղաղապահ զորակազմի ներկայացուցիչ Մաքսիմ Սազոնովը:
