«Որևէ մեկը պատրաստվո՞ւմ է ապօրինի բան անել, որ բիրտ ուժը մատնանշվում է»:
Այս մասին հրավիրած ասուլիսի ժամանակ ասաց վարչապետ Նիկոլ Փաշինյանը՝ արձագանքելով հարցին, թե «Տավուշը հանուն հայրենիքի» շարժումը քայլերթով գալիս է Երևան, իրավիճակի սրացման դեպքում պատրաս՞տ կլինի ինքը հրաժարական տալ, ինչպես իր շարժման ժամանակ եղավ, թե՞ շարժման մասնակիցների հանդեպ բիրտ ուժ կկիրառվի:
«Դուք (-խմբ դիմեց հարց տվող լրագրողին), որ գալիս էիք այստեղ, ձեր նկատմամբ բիրտ ուժ կիրառվե՞ց, թե՞ չկիրառվեց. ոչ, որովհետև դուք ոչ մի ապօրինի բան չեք արել: Բայց, եթե, հազար ներողություն, ասենք, օրինակ, փորձեք նռնակ հանել գցել, ձեր նկատմամբ հնարավոր է՝ ամենաբիրտ ուժը կկիրառվի, իսկ եթե ոչ, ես երաշխավորում եմ, որ ոչ մի բան տեղի չի ունենա»,- ասաց վարչապետն ու հավելեց. «Հրաժարականի մասով. ախր, ես տվել եմ հրաժարական, ընդ որում՝ մի քանի անգամ: Մի քիչ անլուրջ է՝ ՀՀ վարչապետ, որն անընդհատ հրաժարական է տալիս»: