Ես հիմա 3մլն վարչապետների առաջ եմ կանգնած, քանի որ չեմ կարծում, որ ՀՀ-ում կա հրապարակ, որը կարող է տեղավորել 3մլն վարչապետի։ Ես հիմա ձեզ հետ եմ խոսում՝ որպես 3մլն վարչապետների համար աշխատող մարդիկ և ձեր հարցերի միջոցով պատասխանում եմ նաև նրանց հարցերին, հրավիրված ասուլիսի ժամանակ անդրադառնալով այն հարցին, թե պատրա՞ստ է հանդիպել Բագրատ Սրբազանին և բնակիչներին, որոնց նախկինում ինքը վարչապետներ էր կոչում՝ ասաց Նիկոլ Փաշինյանը։

Փաշինյանը նաև նշեց, որ ասուլիսից ասուլիս հնչում են ամենատարբեր վարկածներ, տեղեկատվություններ, բայց ասուլիսի ժամանակ այդ հարցերը չեն բարձրաձայնվում. «Ասուլիսց հետո ասում եմ՝ բա մի րոպե, մեր լրագրողներից ոչ մեկ չհարցրեց՝ դա ճի՞շտ էր, թե՞ ոչ։ Եվ դա շատ հետաքրքիր երևույթ է, և ժամանակակից լրատվության մի հետաքրքիր մաս է առաջ բերվում՝ ասվում է՝ ասվելու համար, դա չի ասվում ճշտելու համար»։