Աննա Հակոբյանը դստեր հետ այցելել է Ծիծեռնակաբերդի հուշահամալիր` հարգանքի տուրք մատուցելու Հայոց ցեղասպանության զոհերի հիշատակին: Այնտեղ մի խումբ անձինք սկսել են վիրավորական արտահայտություններ հնչեցնել:
ՀՀ վարչապետի աշխատակազմի ղեկավարի տեղակալ Տարոն Չախոյանն անդրադարձել է միջադեպին՝ նշելով.
«Վարչապետի տիկնոջն ու մանկահասակ դստերը թիրախավորողները զերծ են ամեն տեսակ սրբություններից։ Ո՛չ օրվա խորհուրդն են հարգում, ո՛չ էլ՝ Ծիծեռնակաբերդը։ Իսկ մանկահասակ երեխային թիրախավորելը ամենավերջին սրիկայությունն է»:
Այն, որ որոշ սրբապիղծներ Ծիծեռնակաբերդը դարձրել են կազուալ միտինգատեղի՝ փորձելով ցեղասպանության անմեղ զոհերի հիշատակը ոգեկոչող պատահական քաղաքացիներին դարձնել իրենց միտինգների ակամա մասնակից, արդեն գիտեինք, բայց որ որոշների լպիրշությունը պիտի հասնի նրան, որ մանկահասակ երեխային պիտի փորձեն ահաբեկել, վիրավորել, դա նորություն էր։
Այս մասին «Ֆեյսբուք»-ի իր էջում գրել է «Քաղաքացիական պայմանագիր» խմբակցության պատգամավոր Վահագն Ալեքսանյանը։
«Հուսամ երեկոյան «դակլադից» հետո ստանալիք 30-ական արծաթը ուրախ առիթի կծախսեք։
Մի ուրիշ պտուղ են լրատվականները, որ համառորեն չեն սրբապղծություն կատարածների քվազի-քաղաքական միավոր լինելը ու փորձում են օգտագործել «հավաքվածներ, քաղաքացիներ, ժողովուրդ» եզրույթները։
Մեր քաղաքացիներին ու ժողովրդին լպիրշության ու սրբապղծության մասնակցության մեջ անհիմն մի մեղադրեք, հարգելիներս»,- գրել է Ալեքսանյանը։
