Որոշ պետություններ Լեռնային Ղարաբաղը օգտագործել են Հայաստանի Հանրապետությանը վզկապ հագցնելու և որպես անկախ պետություն նրա գործողությունները կաշկանդելու համար:
Այս մասին Ազգային ժողովում՝ Կառավարության ծրագրի 2023 թվականի կատարման արդյունքների մասին զեկույցի քննարկման ժամանակ, նշեց ՀՀ վարչապետ Նիկոլ Փաշինյանը:
«Այն բանակցային հնարավորությունները, որ 2016 թվականից ի վեր առկա էին, ոչ թե ԼՂ հարցի լուծման, այլ ՀՀ-ին հագցրած վզկապը կարճացնելու մասին էին, որ ՀՀ-ի՝ առանց այն էլ կաշկանդված գործողությունները որպես անկախ և ինքնիշխան պետություն հանդես գալու փորձերը պարզապես բացառվեն»,- նկատեց նա:
Վարչապետի խոսքով՝ իրենք չեն գնացել այդ ճանապարհով, և հայտնի աշխարհաքաղաքական կենտրոններում որոշվել է հարցը լուծել ռազմական ճանապարհով, այնուհետև մեկնարկել է 44-օրյա պատերազմը։
«Հարց ասելով՝ նկատի ունեմ ՀՀ-ի հարցը, որովհետև ԼՂ հարցը վաղուց լուծվել էր, և մնում էր լուծել Հայաստանի Հանրապետության հարցը»,- հավելեց վարչապետը։
Առավել մանրամասն՝ տեսանյութում:
