Վարչապետ Նիկոլ Փաշինյանը հայտարարել է, թե 2023թ. և, ընդհանրապես, ՀՀ նորագույն պատմության շրջադարձային կետը ԼՂ-ում տեղի ունեցած էթնիկ զտումներն ու հայաթափումն էր։
Նա հիշեցրել է, որ 2022թ. դեկտեմբերից տասնյակ ելույթներում անդրադարձել է Լաչինի միջանցքի արգելափակմանը, վերահաս էթնիկ զտումներին ու ԼՂ հայաթափմանը. «Միջազգային հանրության կամ դե յուրե դաշնակիցների նկատմամբ չափազանցված հույսերը մեզ շարունակաբար բերում են աղետալի հետևանքների։ ԼՂ որոշ շրջանակներում, ցավոք, այդպես էլ չհասունացավ այս և այն գիտակցումը, որ իրենք՝ ԼՂ ընտրված ներկայացուցիչները պետք է գնան լուծումների, հակառակ դեպքում ոչ ոք չի կարող օգնել։ Միջազգային հանրությունը, դերակատարները կարող են անել գործի 10, 20, լավ, 30%–ը, մնացած 70%–ը սուբյեկտի անելիքն է, որին վերաբերում է խնդիրը, եթե, իհարկե, այդ սուբյեկտը ցանկանում է սուբյեկտ լինել։ Ինչ տեղի ունեցավ ԼՂ-ում, իրականում ԼՂ մասին չէր, այլ հերթական դավադրությունը՝ ՀՀ պետականությունը ծնկի բերելու համար»,- ասել է նա։