Անցած 24 ժամում Ինդոնեզիայի Հյուսիսային Սուլավեսի նահանգի համանուն փոքրիկ կղզում Ռուանգ հրաբխի երեք նոր ժայթքում է տեղի ունեցել։
Այս մասին հայտնել է Ինդոնեզիայի աղետների մեղմացման ազգային գործակալությունը։
Մոխրի սյան բարձրությունը տատանվել է 400 մ-ից մինչև 1,2 կմ:
Արգելվում է սարին մոտենալ 6 կմ-ից ավելի մոտ։ Հարևան Թագուլանդանգ կղզու բնակիչներին նաև խորհուրդ է տրվել դիմակներ կրել՝ շնչուղիներում հրաբխային մոխրից խուսափելու համար։
Ռուանգ հրաբուխը հինգ անգամ ժայթքել էր նաև ապրիլի 17-ին։ Ամենահզոր ժայթքման ժամանակ այն մոտ 3 կմ բարձրության վրա մոխրի սյուն է նետել։ Մինչ այս Ռուանգ կղզուց տարհանվել էր 828 մարդ, զոհեր չկան։
Ըստ Ինդոնեզիայում ընդունված ժայթքումների դասակարգման, հրաբխի տարածքում վտանգի մակարդակը բարձրացվել է առավելագույնը չորսի։ Հրաբխային ակտիվության պատճառով Մանադո քաղաքի (Հյուսիսային Սուլավեսի նահանգի վարչական կենտրոն) օդանավակայանը փակ է։ Ավելի քան 40 չվերթ է չեղարկվել։