Ուկրաինայի գլխավոր դատախազությունը քրեական գործեր է հարուցել մի շարք երկրների քաղաքացիների նկատմամբ՝ ինքնահռչակ Դոնեցկի եւ Լուգանսկի ժողովրդական հանրապետությունների զինված ուժերի կազմում Դոնբասի հակամարտությանը մասնակցելու համար:
Ինչպես հաղորդում է ՏԱՍՍ-ը՝ վկայակոչելով Ուկրաինայի գլխավոր դատախազությունը, քրեական գործեր են հարուցվել, մասնավորապես, Հայաստանի 7 քաղաքացիների նկատմամբ: Գործեր են հարուցվել նաեւ Իտալիայի 19, Իսպանիայի 27 եւ այլ երկրների քաղաքացիների նկատմամբ:
Նախատեսվող պատիժը ցմահ ազատազրկումն է՝ գույքի բռնագրավմամբ:
«Պատերազմի զոհերի պաշտպանության մասին Ժնեւի կոնվենցիայի 1977 թվականի I լրացուցիչ արձանագրության 47 հոդվածի համաձայն, նրանք հանդիսանում են վարձկաններ», - ասել են Ուկրաինայի գլխավոր դատախազությունում:
