ՀՀ ֆինանսների նախարարության գործառնական վարչությունում (գանձապետարանում) 2020 թվականի մարտի 17-ին բացված «Ֆիզիկական անձանց և կազմակերպությունների նվիրաբերությունից պետությանը, կորոնավիրուսային վարակի (COVID-19) կանխարգելման և հաղթահարման ապահովման համար ֆինանսական աջակցություն» 900005001947 գանձապետական հաշվեհամարին սեպտեմբերի 11-ի ժամը 18:00-ի դրությամբ քաղաքացիների և կազմակերպությունների կողմից կատարված փոխանցումների արդյունքում մուտքերը կազմել են ընդհանուր 1,118,527,593.8 դրամ, մուտքերի ընդհանուր քանակը՝ 4711:
Նշենք, որ աջակցության հաշվեհամարին Հայաստանի Հանրապետության տարածքից դուրս գտնվող քաղաքացիների կամ կազմակերպությունների վճարումների վավերապայմանները տարբեր արտարժույթներով փոխանցումների համար, հասանելի են ՀՀ ֆինանսների նախարարության պաշտոնական կայքի «Գանձապետական հաշիվներ» բաժնում՝ «Տեղեկատվություն՝ 17.03.20թ. գանձապետարանում բացված «Ֆիզիկական անձանց և կազմակերպությունների նվիրաբերությունից պետությանը, կորոնավիրուսային վարակի (COVID-19) կանխարգելման և հաղթահարման ապահովման համար ֆինանսական աջակցություն» թիվ 900005001947 հաշվին արտերկրից գումար փոխանցելու համար նախատեսված բանկային SWIFT ռեկվիզիտների վերաբերյալ» վերնագրով հղմամբ: