Սերբիայի նախագահ Ալեքսանդր Վուչիչն ասել է, որ անհրաժեշտության դեպքում իր երկիրը պատրաստակամ է աջակցել Հայաստանին համավարակի ու դրա հետեւանքների հաղթահարման համար։
Ալեքսանդր Վուչիչի հետ հեռախոսազրույցում Հայաստանի նախագահ Արմեն Սարգսյանը շնորհակալություն է հայտնել սերբ գործընկերոջը եւ նշել, որ առողջապահության նախարարության հետ ճշգրտումներից հետո տեղեկություն կփոխանցվի սերբական կողմին:
Արմեն Սարգսյանն ու Ալեքսանդր Վուչիչն ընդգծել են երկու երկրների համագործակցության մեծ ներուժը տեղեկատվական տեխնոլոգիաների, սննդի անվտանգության, գյուղատնտեսության ոլորտներում, վստահություն հայտնել, որ մուտքի արտոնագրերի երկուստեք վերացումը կնպաստի գործարար կապերի ակտիվացմանն ու զբոսաշրջության զարգացմանը: