Հեսա զարմացած դեմքեր ենք ընդունելու, որ ընդդիմությունը Միութենական պետություն մտնելու պահանջով ցույցեր է անելու՝ անունը ուրիշ բան դնելով․ այս մասին ԱԺ-ում հայտարարեց ՔՊ պատգամավոր Վահագն Ալեքսանյանը՝ անդրադառնալով ԵՄ առաքելության համաձայնագրի վավերացման վերաբերյալ ընդդիմադիր պատգամավորների գնահատականներին ու մանիպուլյացիոն հայտարարություններին։
«Զարմացած դեմքեր ենք ընդունում, որ ընդդիմությունը Կառավարության ներկայացուցչին ասում է՝ դուք անձնական պատասխանատվություն եք կրելու։ Այդ ի՞նչ անձնական պատասխանատվություն ենք կրելու, դաշնակցական պադվալներում ինչ-որ ռումբերի արտադրության թեմա կա՞, լսել եմ», - ասաց նա, նկատի ունենալով ՔՊ պատգամավորներ Գագիկ Մելքոնյանի եւ Գուրգեն Արսենյանի նկատմամբ իրականացված ահաբեկչության փորձը։
