Մեծ Բրիտանիայի վարչապետ Բորիս Ջոնսոնը՝ Ուկրաինայում ստեղծված իրավիճակով պայմանավորված, ՆԱՏՕ-ի անդամ երկրների ղեկավարների արտակարգ խորհրդակցություն է հրավիրել:
Մինչ այդ, ՆԱՏՕ-ի անդամ երկրների դեսպաններն էին առավոտյան արտակարգ հանդիպում անցկացրել՝՝ քննարկելու համատեղ գործողությունները՝ ի պատասխան Ուկրաինայում ռուսական զորքերի հատուկ ռազմական գործողության, հայտնում է Reuters-ը՝ հղում անելով դաշինքի ներկայացուցչին։
Ավելի վաղ ԱՄՆ պետքարտուղար Էնթոնի Բլինկենը և Պենտագոնի քարտուղար Լլոյդ Օսթինը դաշինքի գլխավոր քարտուղար Յենս Ստոլտենբերգի հետ քննարկել են Ուկրաինայում ստեղծված իրավիճակին ՆԱՏՕ-ի համակարգված արձագանքը։
Հիշեցնենք՝ իրավիճակը Դոնբասում ծայրաստիճան լարված է: Սահմանային գծի ողջ երկայնքով մարտեր են ընթանում:
Այս գիշեր Դոնեցկի և Լուգանսկի իշխանությունները համապատասխան փաստաթղթով դիմել են Ռուսաստանին՝ ռազմական օգնության համար:
Վաղ առավոտյան ՌԴ նախագահը հայտարարել է Դոնբասում հատուկ ռազմական օպերացիայի մեկնարկի մասին, Ուկրաինայի նախագահն էլ ամբողջ երկրում ռազմական դրություն է սահմանել:
