Մեր երկրում քաղաքականություն կա՞, որ մի հատ էլ եկեղեցուն քաղաքական դաշտ ներքաշեն, կամ ոչ․ երթի ժամանակ հայտարարեց Բագրատ Սրբազանը՝ անդրադառնալով հարցին, թե եկեղեցին քաղաքական դաշտ են ներքաշել։
«Քաղաքականություն չկա մեր երկրում, կա ուղղակիորեն քմահաճույքներով, պարտադրումներով ու այլ մեթոդների միջոցով պարտադրվող կառուցվածք երևի»,-ասաց նա։
Սրբազանը նշեց, որ նյութական ոչ մի ակնկալիք գոյություն չունի այս պայքարի մեջ․ «Ստանալիքը՝ հայրենիքը և պատիվն է»,- հայտարարեց Սրբազանը։ Նա նշեց, որ վերջնանպատակը մեկ շաբաթ անց շատ լավ է պատկերացնում և շեշտեց, որ մարդկանց քանակն էական չի։
«Եթե մեր երկրում կա նույնիսկ մեկ հոգի մարդ, որ համաձայն է, դա է մեզ համար էականը։ Այս երթը և՛ գույն չունի, և՛ բազմագույն է, այս շարժումը եռագույնի շարժում է»,-ասաց Սրբազանը։
Սրբազան հայրը նշեց, որ պետք է դադարեցնել քաղաքականության մասին այդ քննարկումները․ «Ճիշտ ենք անում, եթե խառնվում ենք քաղաքականությանը, դուք չեք կարողանում, դրա համար էլ մենք ենք խառնվում, եթե քաղաքականություն է դա»,-ասաց նա։
