Հոր՝ Միխայիլ Խաչատուրյանի սպանության մեջ մեղադրվող Խաչատուրյան քույրերը դիմել են ՄԱԿ-ի՝ կանանց նկատմամբ բռնության գծով հատուկ զեկուցող Դուբրավկա Սիմոնովիչին: Նրանք խնդրել են ռուսական իշխանություններին դիմել պահանջով՝ թույլ չտալ, որ քրգործի քննման ընթացքում իրենք ևս մեկ անգամ տրավմայի ենթարկվեն, նաև թույլ չտալ, որ իրենց իրավունքները հետագայում նույնպես խախտվեն: Այս մասին հայտնում է ՏԱՍՍ-ը՝ հղում անելով Խաչատրյան քույրերից կրտսերի փաստաբան Վալենտինա Ֆրոլովային: Փաստաբանը նշել է, որ ասվածից խուսափելու համար անհրաժեշտ է քույրերի գործը միասնական դիտարկել, ընդ որում՝ հարկավոր է հաշվի առնել, որ աղջիկները գործել են անհրաժեշտ պաշտպանությունից ելնելով:
«Քննչական մարմիններն անջատել են քույրերի քրեական գործը՝ առանձնացնելով Մարիա Խաչատուրյանի գործը, ինչը բացասական նշանակություն է ունեցել մեղադրյալների իրավունքների պաշտպանության առումով: Չնայած այն հանգամանքին, որ երկու քրգործերի շրջանակներում քննվում են նույն հանգամանքները, Կրեստինան և Անգելինան հնարավորություն չունեն մասնակցել Մարիայի գործին, ինչպես և Մարիան չունի հակառակ հնարավորությունը»,- ասել է նա, նշելով, որ այսկերպ շարունակվելու դեպքում գործընթացը կարող է կրկին տրավմայի ենթարկել քույրերին, քանի որ նրանց նույն իրադարձությունների մասին կպատմեն երկու քրգործերի քննման ընթացքում: Բացի այդ, փաստաբանի խոսքով ՝ Խաչատուրյան քույրերը դիմել են Սիմոնովիչին պնդելով, որ իրենք գործել են ինքնապաշտպանության կարգով, պաշտպանելով իրենց ընտանեկան բռնությունից։
"Թեեւ քննությանը հաջողվել է ձեռք բերել ընտանիքում երկարատեւ եւ լուրջ բռնության բավականին հուսալի ապացույցներ, որը սպառնալիք էր աղջիկների կյանքի եւ առողջության համար, նա հրաժարվել է դիտարկել քույրերի գործողություններում ինքնապաշտպանության շարժառիթը", - նշել է Վալենտինա Ֆրոլովան: "Պատահական չէ, որ մենք դիմել ենք կանանց նկատմամբ բռնության, դրա պատճառների և հետևանքների զեկուցողին։ Այն ամենը, ինչ այսօր տեղի է ունենում քույրերի հետ, երկարամյա բռնության եւ օրենքի բացակայության ուղղակի հետեւանք է, որը թույլ կտա նրանց ժամանակին պաշտպանել", - ամփոփել է փաստաբանը:
Հիշեցնենք, որ երկու ամիս առաջ ՔԿ-ն եւս մեկ փորձաքննություն է անցկացրել, որը պաշտպանության խոսքով, հաստատել է աղջիկների օգտին եզրակացությունը: Դրանից հետո հետաքննությունը չի փոխել մեղադրանքի որակավորումը քույրերին, կրկին հայտարարել է քննության ավարտի մասին՝ որոշում չընդունելով մեղադրյալների լրացուցիչ հարցաքննության մասին: Այժմ գործի նյութերին պետք է ծանոթանան տուժողները, որոնք չէին կարող դա անել ավելի վաղ կորոնավիրուսային վարակի համաճարակի պատճառով, իսկ հետո ծանոթանան մեղադրյալներն ու նրանց պաշտպանական կողմը:
Աղջիկների փաստաբանները ավելի վաղ հայտարարել էին, որ եթե քույրերի գործը մեղադրական եզրակացությունը հաստատելուց հետո դատարան հանձնեն գլխավոր դատախազությունից, ապա պաշտպանությունը կպնդի դատական գործընթացը իրականացնել երդվյալ ատենակալների կոլեգիայի մասնակցությամբ: Նշենք, որ նախաքննության ընթացքում ՔԿ-ն հաստատել է քույրերի հոր ՝ Միխայիլ Խաչատուրյանի կողմից ՌԴ Քրեական օրենսգրքի 117-րդ (խոշտանգում), 132-րդ (սեռական բնույթի բռնի գործողություններ) և 133-րդ (սեռական բնույթի գործողություններ) հոդվածներով նախատեսված հանցագործությունների կատարումը։ Քննիչները պարզել են նրա կողմից կատարված հանցավոր գործողությունների մի շարք փաստեր, որոնք կատարվել են 2014 թվականից ի վեր դուստրերի նկատմամբ, երբ բոլոր երեք աղջիկներն անչափահաս են եղել: Չնայած դրան, աղջիկների գործողությունները որակվել են որպես մի խումբ անձանց կողմից նախնական համաձայնությամբ սպանություն եւ գործի նյութերն ուղարկվել են դատախազություն: Ընդ որում, հիմնական գործից նյութեր են առանձնացվել կրտսեր քրոջ նկատմամբ, քանի որ նախկինում նա փորձագետների կողմից ճանաչվել է անմեղսունակ իրեն մեղսագրվող հանցագործության պահին:
Աղբյուր՝ ՏԱՍՍ