ՀՀ վարչապետ Նիկոլ Փաշինյանը հրավիրած մամուլի ասուլիսի ժամանակ հնչեցրեց ժամկետը, թե երբ պետք է ռուսական կողմի սահմանապահ զորքը դուրս գա «Զվարթնոց» օդանավակայնից։
Հիշեցնենք՝ ավելի վաղ վարչապետը ասուլիսի ընթացքում պարզաբանել էր, որ ՀՀ սահմանապահ զորքերը նամակով դիմել են ՀՀ-ում Ռուսաստանի Դաշնության սահմանապահ զորքերին , և տեղեկացրել օդանավակայանից նրանց հեռանալու դիրքորոշման մասին։
«Ոչ թե դիմել ենք ռուսական կողմի, այլ պարզապես տեղեկացրել ենք, որ նման որոշում ենք կայացրել։ Ժամկետը նշված է 2024 թվականի օգոստոսի մեկը։ Ընդ որում՝ սա ընկալում ենք որպես աշխատանքային պրոցես, այլ ոչ թե քաղաքական կամ աշխարհաքաղաքական»,- ասաց վարչապետը։
ՀՀ կառավարության ղեկավարը ընդգծեց՝ ՀՀ-ի կողմից այդ նամակը գրվել է Հայաստանի սահմանապահ զորքերի հրամանատարի պարտականությունը կատարողի կողմից․ «Նամակ է գրել, շնորհակալություն է հայտնել։ Դա առաջին հերթին շնորհակալության նամակ է, և տեղեկացրել է, որ օգոստոսի մեկից մենք ծառայությունը կիրականացնենք»։
