Պետդումայի պատգամավորները ձայների մեծամասնությամբ աջակցեցին Կոմկուսի խմբակցության առաջարկած ԴԺՀ-ի և ԼԺՀ-ի ճանաչման վերաբերյալ Ռուսաստանի Դաշնության Նախագահին դիմելու նախագիծը: Այս որոշմանը կողմ քվեարկեց 351, դեմ՝ 16 պատգամավոր:
Միեւնույն ժամանակ, Պետդուման չի աջակցել այլընտրանքային բանաձեւի նախագծին, ըստ որի՝ կոչի տեքստը պետք է ուղարկվի ԱԳՆ՝ խորհրդակցությունների։
Ինչպես նշել է խորհրդարանի ստորին պալատի խոսնակ Վյաչեսլավ Վոլոդինը, փաստաթուղթն անմիջապես կուղարկվի պետության ղեկավարին։ Նա ընդգծել է, որ, խորհրդարանականների կարծիքով, ճանաչումը հիմքեր կստեղծի անվտանգության երաշխիքներ ապահովելու և հանրապետությունների բնակիչներին արտաքին սպառնալիքներից պաշտպանելու համար։
Լուրը համալրվում է
Ռուսաստանի Դաշնության Կոմունիստական կուսակցության պատգամավորները հունվարի 19-ին ներկայացրել էր Ռուսաստանի նախագահին դիմումի նախագիծ՝ Դոնբասի հանրապետությունները որպես անկախ պետություններ ճանաչելու և նրանց ղեկավարության հետ հնարավորինս շուտ բանակցությունների մասին՝ միջպետական հարաբերությունների իրավական հիմք ստեղծելու և համագործակցության և փոխօգնության ասպեկտները կարգավորելու վերաբերյալ:
