Ռուսաստանը Հայաստանի հետ խնդիրներ չունի: Այս մասին ՌԴ նախագահ Վլադիմիր Պուտինը հայտարարել է Արևելյան տնտեսական ֆորումի լիագումար նիստի ժամանակ։
«Երկրի ղեկավարությունը մշտական կապի մեջ է ՀՀ վարչապետ Նիկոլ Փաշինյանի հետ»,- ասել է ՌԴ նախագահը։ Արդյոք Փաշինյանն այս օրերին զանգահարել է Վլադիմիր Պուտինին՝ հարցին, ՌԴ նախագահը պատասխանել է, որ ՀՀ վարչապետից նամակ է ստացել:
«Մենք Հայաստանի հետ խնդիրներ չունենք, Փաշինյանի հետ էլ խնդիրներ չկան, մենք անընդհատ կապի մեջ ենք նրա հետ»,- վստահյեցրել է ՌԴ նախագահը։
Եթե Հայաստանը Լեռնային Ղարաբաղն Ադրբեջանի մաս է ճանաչել, վե՛րջ, էլ ինչի՞ մասին է խոսքը. այս մասին ասել է Ռուսաստանի նախագահ Վլադիմիր Պուտինը Արևելյան տնտեսական ֆորումի լիագումար նիստում իր ելույթի ժամանակ:
«Սա է ամբողջ խնդրի առանցքային բաղադրիչը: Ղարաբաղի կարգավիճակը հենց Հայաստանն է որոշել: Դա է խնդիրը»,- ասել է ՌԴ նախագահը:
Վատթարացե՞լ են արդյոք հայ-ռուսական հարաբերությունները Հայաստանի հետ ինտեգրման կառույցներում։ Արևելյան տնտեսական ֆորումի ժամանակ պատասխանելով հարցին՝ ՌԴ փոխվարչապետ Ալեքսեյ Օվերչուկը նշել է, որ Մոսկվան Երևանին վերաբերվում է որպես դաշնակցի:
«Օգոստոսի 27-ին տեղի է ունեցել Եվրասիական տնտեսական հանձնաժողովի խորհրդի նիստ, այնտեղ ամեն ինչ նորմալ էր: Սեպտեմբերի 27-ին ևս Եվրասիական տնտեսական հանձնաժողովի խորհրդի նիստ ունենք: Դա այն է, ինչ այժմ օրակարգում է»,- ասել է նա:
