Երևանի պետական համալսարանից հայտնում են, որ դասապրոցեսն ընթանում է բնականոն հունով։
«Առաջին դասաժամերի ընթացքը որոշ ֆակուլտետներում մասամբ խաթարվել էր, քանի որ փողոցները խցանված են, և պրոֆեսորադասախոսական կազմի և ուսանողների մի մասը չէր կարողացել ժամանակին հասնել համալսարան»,- նշված է ԵՊՀ հաղորդագրության մեջ:
«Սիրելի' ուսանողներ, տեղեկացնում ենք, որ Վ. Բրյուսովի անվան պետական համալսարանում դասերն ընթանում են բնականոն հունով»,- նշված է Բրյուսովի անվան պետական համալսարանի հաղորդագրության մեջ:
Հայաստանի պետական տնտեսագիտական համալսարանում դասապրոցեսն ընթանում է բնականոն հունով։ Այս մասին տեղեկանում ենք ՀՊՏՀ-ի Ֆեյսբուքի էջից: Հայաստանի ազգային պոլիտեխնիկական համալսարանից ևս հայտնում են՝ ուսումնական գործընթացը ընթանում է բնականոն հունով:
