Տիգրան Խաչատրյանը ՀՀ էկոնոմիկայի նախարարի պաշտոնից ազատման դիմում է գրել: Տեղեկությունը հաստատեց նախարարի մամուլի խոսնակ Աննա Օհանյանը:

Խաչատրյանը նախարարի պաշտոնին էր նշանակվել 2018-ի հոկտեմբերին: Թե ով է փոխարինելու վերջինիս՝ առայժմ հայտնի չէ, սակայն մամուլում ակտիվորեն շրջանառվում է «Menu.am» ցանցի հիմնադիր Վահան Քերոբյանի անունը։ Տիգրան Խաչատրյանը այս պաշտոնը զբաղեցնում է 2019 թվականի հունիսի 1-ից՝ նախարարության անվանափոխությունից հետո։ Մինչ այդ նա 2018-19 թվականներին զբաղեցրել է տնտեսական զարգացման եւ ներդրումների նախարար պաշտոնը։ Նշենք, որ ըստ կարգի նախարարին ազատելու համար վարչապետը առաջարկությամբ պետք է դիմի ՀՀ նախագահին, որի հրամանագրով էլ արդեն նա կազատվի։