Լոռվա մարզպետ Անդրեյ Ղուկասյանը եւ փոխմարզպետ Գայանե Մարկոսյանն այցելել են Դեբեդ համայնքում բացված «Չամիչ» հյուրատանը:
Հյուրատան սեփականատեր, երեւանաբնակ Լիլիթ Չիտչյանը ամուսնու հետ միասին համայնքում ձեռք են բերել տուն եւ այն վերածել հյուրատան:
Վերջինիս առավելությունների թվում է նաեւ համեղ, էկոլոգիապես մաքուր սննդի մատուցումը: Հյուրատունն աշխատանքով է ապահովել գյուղի 5 բնակիչների, ակտիվ շրջանում նրանց թիվը կհասնի 10-ի:
Գայանե Մարկոսյան այցելել է Դեբեդում հիմնված մեկ այլ հյուրատանը՝ «Դեբեդ» ստեղծագործական համակացարանը, որի սեփականատերն է Տաթեւ Աղաբաբյանը:
Շինաշխատանքներն արդեն ավարտված են, հյուրատունը նախատեսում է հյուրեր ընդունել օգոստոս ամսից: Հյուրատունն առանձնանում է իր յուրահատուկ ոճով եւ դիզայներական հետաքրքիր լուծումներով: