Ռուսաստանն այսօր՝ մարտի 11-ին, խնդրել է ՄԱԿ-ի Անվտանգության խորհրդի նիստ հրավիրել՝ նվիրված Ուկրաինայում «ԱՄՆ-ի կենսաբանական պատերազմի ծրագրերին»: Այս մասին հինգշաբթի օրը հայտարարել է կազմակերպությունում Ռուսաստանի Դաշնության մշտական ներկայացուցչի առաջին տեղակալ Դմիտրի Պոլյանսկին։
«Ռուսական առաքելությունը մարտի 11-ին ՄԱԿ-ի Անվտանգության խորհրդի նիստ է խնդրել՝ քննարկելու ԱՄՆ ռազմական կենսաբանական գործունեությունը Ուկրաինայի տարածքում»,- գրել է նա Twitter-ում։
Պաշտոնական Վաշինգտոնը պնդում է, որ ԱՄՆ-ի պատվերով Ուկրաինայի կենսաբանական լաբորատորիաների աշխատանքի մասին հայտարարությունները քարոզչություն և ապատեղեկատվություն են։ Միևնույն ժամանակ, ԱՄՆ պետքարտուղարի քաղաքական հարցերով տեղակալ Վիկտորյա Նուլանդը, ելույթ ունենալով ԱՄՆ Սենատի արտաքին հարաբերությունների հանձնաժողովում մարտի 8-ին կայացած լսումների ժամանակ, նշել է, որ Ուկրաինայում կան «կենսաբանական հետազոտությունների օբյեկտներ», և Վաշինգտոնը փորձում է կանխել դրանք ռուսական ուժերի վերահսկողության տակ ընկնելուց։
Այս հայտարարությունն արել է Նուլանդը՝ պատասխանելով այն հարցին, թե Ուկրաինայում կենսաբանակա՞ն, թե՞ քիմիական զենք կա։
Ավելի վաղ ՌԴ ԶՈւ ճառագայթային, քիմիական և կենսաբանական պաշտպանության ուժերի ղեկավար Իգոր Կիրիլովը հայտնել էր, որ Ուկրաինայի տարածքում ռազմական հատուկ գործողության ընթացքում ԱՄՆ դեպարտամենտի պատվերով գործող ավելի քան 30 կենսաբանական լաբորատորիաների ցանցի գործունեություն է բացահայտվել , որոնք գործել են ԱՄՆ-ի պաշտպանության նախարարության հովանավորության ներքո:
Նրա խոսքով՝ փետրվարի 24-ին բոլոր լաբորատորիաները հանձնարարություն են ստացել Ուկրաինայի առողջապահության նախարարությունից՝ ամբողջությամբ ոչնչացնել այնտեղ տեղակայված բիոագենտները։ Կիրիլովը նշել է, որ այդ բաղադրիչների վերացման ընթացակարգն ուղղված է դրանց անդառնալի ոչնչացմանը, քանի որ, ըստ ամենայնի, ռազմական կենսաբանական ծրագրի իրագործումը շարունակելու համար անհրաժեշտ ամեն ինչ արդեն հանվել է Ուկրաինայի տարածքից։
Փետրվարի սկզբին ԱՄՆ-ում Ռուսաստանի դեսպան Անատոլի Անտոնովը հիշեցրեց, որ Միացյալ Նահանգները դեռ միակ երկիրն է, որը դեռ չի կատարել Քիմիական զենքի կոնվենցիայով
