Եվրոպական ժառանգության օրերի շրջանակում այսօր Երևանի Ռուսական արվեստի թանգարանում կայացավ «Մեկ գլուխգործոցի վիրտուալ աշխարհում» ծրագրի շնորհանդեսը։ Ծրագիրը նախատեսում է Բ. Գրիգորևի «Կենդանաբանական այգի» նկարի ներկայացումը VR տեխնոլոգիայի միջոցով։ Դիտողները վիրտուալ իրականության ակնոցի միջոցով հայտնվում են ստեղծագործության «ներսում» (նկարի հիման վրա նախապես ստեղծված 3D միջավայրում), «զբոսնում» այնտեղ, «հանդիպում» նկարի հերոսներին և ծանոթանում ստեղծագործության պատմությանը։ ՀՀ թանգարանների պատմության մեջ սա առաջին փորձն է, որտեղ այցելուն հայտնվում է հենց նկարի «ներսում»։ Նախագիծն իրականացրել է «ԱՐԼՈՒՊԱ» ընկերությունը «Ռոստելեկոմ» Հայաստանի հովանավորությամբ:
