Կրեմլի խոսնակ Դմիտրի Պեսկովը սեպտեմբերի 19-ին խոսել է ռազմական գործողությունների վերսկսման պայմաններում Ղարաբաղում մարդկանց անվտանգությունն ապահովելու համար ռուս խաղաղապահների քրտնաջան աշխատանքի մասին։
Նա հավելել է, որ Կրեմլը կապի մեջ է ինչպես հայկական, այնպես էլ ադրբեջանական կողմերի հետ։
«Մեր զինվորականները անմիջական կապի մեջ են կողմերի հետ։ Բոլոր շփումները հիմնականում զինվորականների միջոցով են։ Առայժմ մենք տեղեկություն չունենք, թե արդյոք ինչ-որ բան սպառնում է մեր խաղաղապահների կյանքին։ Իհարկե, դա մեզ համար կարևոր առաջնահերթություն է»,- ասել է Պեսկովը։
ՌԴ նախագահի մամուլի քարտուղարի խոսքով՝ Կրեմլն աշխատում է տարածաշրջանում իրավիճակը քաղաքական և դիվանագիտական հուն տեղափոխելու ուղղությամբ։
Ռուսաստանը մտահոգված է Լեռնային Ղարաբաղում իրավիճակի վատթարացմամբ։ Հակամարտությունը լուծելու համար պետք է օգտագործվեն բոլոր հնարավոր մեթոդները։ Ռուս զինվորականներն աշխատում են կողմերին համոզելու բանակցություններ վարել։ Այս մասին լրագրողների հետ զրույցում ասել է ՌԴ նախագահի մամուլի քարտուղար Դմիտրի Պեսկովը։
«Մենք անհանգստացած ենք Ադրբեջանի զինված ուժերի ռազմական գործողության ֆոնին լարվածության կտրուկ աճով և ռազմական գործողությունների բռնկմամբ։ Պետք է ձեռնարկվեն բոլոր հնարավոր միջոցները Ղարաբաղի խաղաղ բնակչության անվտանգությունն ապահովելու համար։ Ռուս զինվորականներն աշխատում են հակամարտությունների կարգավորման գործընթացը քաղաքական և դիվանագիտական ալիքի վերածելու ուղղությամբ»,- ասել է Դմիտրի Պեսկովը։
Ռուսաստանի, Ադրբեջանի և Հայաստանի միջև շփումները հիմնականում իրականացվում են ռազմական ճանապարհով, սակայն հանդիպումները նախատեսված են ավելի բարձր մակարդակով։ Այս մասին հայտարարել է ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը ասուլիսի ժամանակ։
«Մենք կտեղեկացնենք նման շփումների հնարավորության մասին, այդ թվում՝ ամենաբարձր մակարդակով»,- ասել է Պեսկովը՝ պատասխանելով հարցին, թե արդյոք պլանավորվում են շփումներ երկրների նախագահների միջև՝ Լեռնային Ղարաբաղում իրավիճակի կարգավորման համար։
